Сургалтанд шинэ технологи хэрэглэх

Сургуулийн сургалтын үйл ажиллагаанд өөрсдийн зохион бүтээсэн их дээд сургуулийн бүртгэл мэдээллийн систем UNIFACE 3.0, алсын зайн сургалтын иж бүрэн систем “Эрдэм” зэрэг програм хангамжийн систем, дотоодын үйл ажиллагаанд зориулсан Э-оффис-ийн системийг нэвтрүүлнэ. Санхүүгийн албанд бүртгэлийн “Итгэлт санхүү” програм хангамж хэрэглэнэ. Ингэснээр монголдоо тэргүүлэх электрон сургууль байгуулах боломж бүрдэх юм.

UNIFACE 3.0 програм хангамжийг хэрэглэснээр оюутныг элсэн орохоос эхлэн төгсөх хүртлэх сурлага, төлбөрийн гэх мэт бүх мэдээллийг бүртгэн диплом хавсралтыг хэвлэн гаргах ба явцын сурлагын мэдээллийг бүртгэн түүнтэй холбоотойгоор тайлан мэдээг сургуулийн дотоод болон Боловсрол Соёл Шинжлэх Ухааны яамны стандартын дагуу гаргана. Сургалтын алба, багш, оюутан, удирдлага, санхүүгийн хоорондын мэдээллийн урсгалыг хянана гэсэн үг. Суралцагч өөрөө болон ар гэрийнхэн нь суралцах үеийн болон түүхийг интернэтээр үзэх бололцоотой.

ЭРДЭМ 2.0 програмыг сургалтандаа хэрэглэснээр суралцагч алсын зайнаас буюу аж төрж буй газраасаа интернэтийн сүлжээ ашиглан өөрийн сонгон судалж байгаа хичээлийг үзэх боломжтой болох юм.